അമിതമായി കഴിച്ചാല്‍ ബദാം ദോഷം വരുത്തുന്ന ചില രീതികൾ
ആരോഗ്യത്തിനു സഹായിക്കുന്നവയില്‍ ഡ്രൈ നട്‌സിന് ഏറെ സ്ഥാനമുണ്ട്. ഇവ ആരോഗ്യകരമായ കൊഴുപ്പുകളുടെ ഉറവിടമാണ്. പല പോഷകങ്ങളും ഇതിലുണ്ട്. ആരോഗ്യത്തിനു മാത്രമല്ല, സൗന്ദര്യത്തിനും മുടിയ്ക്കുമെല്ലാം ഒരുപോലെ സഹായിക്കുന്നവയാണ് ഇവ. ഇതില്‍ തന്നെ ബദാം അഥവാ ആല്‍മണ്ട്‌സിന് പ്രധാന സ്ഥാനമുണ്ട്. നല്ല കൊളസ്‌ട്രോളായ എച്ച്ഡിഎല്‍ കൊളസ്‌ട്രോള്‍ വര്‍ദ്ധിപ്പിയ്ക്കുന്നതുള്‍പ്പെടെയുള്ള ആരോഗ്യപരമായ ഗുണങ്ങള്‍ ഏറെ നല്‍കുന്നവയാണ് ഇവ. ചര്‍മത്തിന്റെ ആരോഗ്യത്തിനും ചെറുപ്പത്തിനും ചുളിവുകള്‍ ഒഴിവാക്കാനും സഹായിക്കുന്ന വൈറ്റമിന്‍ ഇ ഉള്‍പ്പെടെയുളള പല പോഷകങ്ങളും ഇതില്‍ ധാരാളമുണ്ട്. എന്നാല്‍ ഇതും പറഞ്ഞ് അമിതമായി ബദാം കഴിച്ചാല്‍ ദോഷ ഫലങ്ങളുമുണ്ട്. അമിതമായാല്‍ അമൃതും വിഷം എന്നു വേണമെങ്കില്‍ പറയാം. ഇതേ രീതിയില്‍ കഴിച്ചാല്‍, അമിതമായി കഴിച്ചാല്‍ ബദാം ദോഷം വരുത്തുന്ന ചില രീതികളെക്കുറിച്ചറിയൂ.
ബദാം നേരായ രീതിയില്‍ കഴിച്ചാല്‍ തടി കുറയ്ക്കാനും ആരോഗ്യകരമായ തൂക്കം വര്‍ദ്ധിപ്പിയ്ക്കാനും സഹായിക്കും. എന്നാല്‍ കൂടുതലായാല്‍ ഇത് തടി കൂട്ടുമെന്ന കാര്യത്തില്‍, കൊഴുപ്പു വര്‍ദ്ധിപ്പിയ്ക്കുമെന്ന കാര്യത്തില്‍ സംശയം വേണ്ട.ഒരു ഔണ്‍സ് ബദാമില്‍ 14 ഗ്രാം കൊഴുപ്പും 163 കലോറിയുമുണ്ട്. വ്യായാമമുണ്ടെങ്കില്‍ ഇതു കത്തിപ്പോകും. എന്നാല്‍ ദിവസം 3 ഔണ്‍സ് ബദാം കഴിയ്ക്കുകയാണെങ്കില്‍, വ്യായാമമില്ലെങ്കില്‍ ഇത് ഒരാഴ്ചക്കുള്ളില്‍ അര കിലോയ്ക്കുടുത്തു ശരീരഭാരം കൂടാന്‍ കാരണമാകും.ബദാമില്‍ മാംഗനീസ് എന്ന ഘടകം ധാരാളമുണ്ട് . മാംഗനീസ് അടങ്ങിയ മറ്റു ഭക്ഷണങ്ങള്‍ക്കൊപ്പം ബദാം കഴിയ്ക്കുന്നത് മാംഗനീസ് അധികമാകാന്‍ ഇടയാക്കും. മാത്രമല്ല ബദാം ഹൈപ്പര്‍ടെന്‍ഷന്‍, അന്റാസിഡ്, ആന്റിസൈക്കോട്ടിക്, ആന്റിബയോട്ടിക്‌സ്, തുടങ്ങിയവരുടെ മരുന്നുകളുമായി പ്രതിപ്രവര്‍ത്തിയ്ക്കാനും ഇടയുണ്ട്.
ബദാം പ്രതിരോധ ശേഷി നല്‍കുമെങ്കിലും നട്‌സ് അലര്‍ജിയുള്ളവരില്‍ ഇത് അലര്‍ജി കാരണമാകും. ചിലരില്‍ ബദാം കഴിയ്ക്കുന്നത് അലര്‍ജിയ്ക്കു കാരണമാകും. പ്രത്യേകിച്ചു നട്‌സ് അലര്‍ജിയുള്ളവര്‍ക്ക്. ചര്‍മത്തില്‍ തടിപ്പും ചുവപ്പും, ശ്വസിയ്ക്കാനുള്ള ബു്ദ്ധിമുട്ട് എന്നിവയാണ് ലക്ഷണങ്ങള്‍.നട്‌സ് വിഭാഗത്തില്‍ പെട്ടവയില്‍ കൃത്യമായി വൃത്തിയാക്കിയില്ലെങ്കില്‍ ബാക്ടീരിയകള്‍ വളരുന്നതിന് സാധ്യതയേറെയാണ്. ഈ അപകടത്തില്‍ നിന്നും ബാദാമും മുക്തമല്ല.ബദാം രണ്ടുതരമുണ്ട്,സാധാരണ നാം കഴിയ്ക്കുന്ന ബദാമിന് പുറമേ കയ്പ്പുള്ള ഒരു തരം ബദാമുണ്ട്. കയ്പ്പുള്ള ബദാമിന് കാരണം ഹൈഡ്രോസയാനിക് ആസിഡാണ്. ഇത് അധികമാകുന്നത് വിഷ തുല്യമാകും. മുലയൂട്ടുന്ന അമ്മമാരും ഗര്‍ഭിണികളും യാതൊരു കാരണവശാലും കഴിയ്ക്കരുത്. ഇത് അമ്മയുടേയും കുഞ്ഞിന്റേയും ആരോഗ്യത്തിന് ദോഷം വരുത്തും
വൈറ്റമിന്‍ ഇ ചര്‍മത്തിന്റേയും ശരീരത്തിന്റേയും ആരോഗ്യത്തിന് ആവശ്യമാണ്. ഇത് ചര്‍മത്തിന് ഉറപ്പു നല്‍കുന്ന, ഇലാസ്റ്റിസിറ്റി നല്‍കുന്ന ഒന്നാണ്.എന്നാല്‍ വൈറ്റമിന്‍ ഇ കൂടിയാലും ദോഷം വരുത്തും. അതായത് കൂടുതല്‍ ബദാം അല്ലെങ്കില്‍ വൈറ്റമിന്‍ ഇ അടങ്ങിയമുട്ട, ചീര തുടങ്ങിയവയെല്ലാം കൂടി കഴിച്ചാല്‍ ആവശ്യത്തില്‍ കൂടുതല്‍ വൈറ്റമിന്‍ ഇ ആകും. ഇതു കൂടിയാല്‍ തലചുറ്റല്‍, തളര്‍ച്ച, ചര്‍മത്തില്‍ തടിപ്പ്, വയറിളക്കം തുടങ്ങിയ പ്രശ്‌നങ്ങളുണ്ടാക്കും.വൈറ്റമിന്‍ ഇ ധാരാളം അടങ്ങിയ ഒന്നാണ് ബദാം. 1.5 ഔണ്‍സ് ബദാം ശരീരത്തിനു വേണ്ടതിന്റെ പകുതി, അതായത് 7.5 mg വൈറ്റമിന്‍ ഇ നല്‍കും. ശരീരത്തിന് ഒരു ദിവസം ആകെ വേണ്ടത് 15 mg വൈറ്റമിന്‍ ഇ ആണ്. അമിതമായാല്‍ അമൃതും വിഷം എന്ന ചൊല്ലില്‍ പതിരില്ലെന്ന് അര്‍ത്ഥം. ഇതിനാല്‍ തന്നെ മിതമായ തോതില്‍, ഇതു പോലെ തന്നെ കുതിര്‍ത്തി ഇതു കഴിയ്ക്കുന്നതാണ് ഏറെ നല്ലത്. ചര്‍മത്തിന് നിറം നല്‍കും വെളിച്ചെണ്ണയിലെ നെല്ലിക്കാനീര്
തുടര്ന്ന് വായിക്കുക
No comments:
Post a Comment